Situación

Preguntouse aos 100 estudantes dun curso pola súa altura en centímetros, resultando os seguintes datos:

Táboa de frecuencias

• Copia a listaxe de datos e pégaa na Folla de cálculo de GeoGebra.
• Comezamos por definir as clases que se utilizarán. O comando Clases permite indicar ou ben o número de clases ou ben a anchura das clases (e neste caso, tamén onde empezar).
  • clases = Clases(A1:J10, 150, 5)
  • n = Lonxitude(A1:J10)
• A continuación xa é posible elaborar a táboa de frecuencias cos datos agrupados en clases. Aparecerá na Vista gráfica.
  • TáboaFrecuencia(clases, A1:J10)
  • Nota: os intervalos resultantes son pechados pola dereita e abertos pola esquerda

Gráficos estatísticos

• Por tratarse dunha variable continua, á hora de representar os datos graficamente queremos optar por un histograma. Para iso é preciso contar cunha lista que conteña a frecuencia absoluta de cada clase.
  • frecuencias = Frecuencia(clases, A1:J10)
  • Histograma(clases, frecuencias)
• Tamén podemos representar o polígono de frecuencias correspondente.
  • polfrec = PolígonoFrecuencia(clases, frecuencias)

Parámetros estatísticos

• Cando se teñen poucos datos é relativamente doado atopar os valores mínimo e máximo, pero cando o tamaño do estudo aumenta precisamos axuda.
  • min = Mínimo(A1:J10); max = Máximo(A1:J10) e rango = max - min
• Para obter os parámetros básicos procede igual que na actividade anterior: podes empregar a listaxe enteira de datos.
  • media = media(A1:J10)
  • varianza = Varianza(A1:J10)
  • desvest = sqrt(varianza)
• Neste caso, a diferenza da actividade anterior, non nos imos limitar a calcular a mediana e os cuartís, senón un percentil calquera.
• Para iso, primeiro crea un Esvarador, premendo na icona  da barra de ferramentas.

• Isto permitirá que poidamos mover dinamicamente o esvarador e ver como varía o percentil.
  • p = Percentil(A1:J10, percentil / 100)
• Para visualizar o significado do percentil, podemos crear un Segmento((clases(1),0),(p,0)) , e dende as propiedades do dito segmento remarcalo cambiándolle a cor e engadindo unha marca no seu extremo dereito.

A ferramenta de análise

• Ao igual que na actividade anterior, GeoGebra ofrece a posibilidade de implementar unha análise dos datos de forma directa.

• Sitúate na Folla de cálculo e seleccionan co rato -premendo e arrastrando- a listaxe enteira de datos que tes dende o principio.

• Preme na icona Análise dunha variable  que atoparás na barra de ferramentas.

• Na vista que aparece a continuación, podes indicar -na parte superior esquerda- se queres que se amosen os parámetros estatísticos básicos, os datos que se están a usar, e un ou dous gráficos. As mesmas funcionalidades, e análogas posibilidades didácticas, que para o caso discreto.

• Nesta ocasión interésanos o Histograma. Por defecto permite seleccionar o número de clases mediante un esvarador.

• Pero, se entras nas súas propiedades , poderás marcar a opción de facelo manualmente, e indicar a anchura das clases e o valor no que empezará a primeira desas clases.